आज्ञा खबर
सप्तरी
सप्तरीको निर्वाचन क्षेत्र ४ (२) बाट प्रदेश सभा सदस्यमा निर्वाचित स्वत्रन्त्र सांसद अनिरूद्वप्रसाद सिंह यादव जनता समााजवादी पार्टी (जसपा) प्रवेश गरेका छन्।
जसपा नेपालका अध्यक्ष उपेन्द्र यादव, मधेश प्रदेशका मुख्यमन्त्री सरोज कुमार यादव, राष्ट्रिय सभा सदस्य मृगेन्द्र कुमार सिंह यादवले प्रदेश सभा सदस्य सिंहलाई बोदेवर्साइन नगरपालिकामा आयोजित पार्टी प्रवेश कार्यक्रममा गम्छा, माला र टिका लगाएर स्वागत गरेका हुन्।
गएको निर्वाचनमा जसपाबाट टिकट नपाएपछि स्वतन्त्र उम्मेदवार भई प्रदेशसभामा निर्वाचित भएका थिए ।
योसँगै मधेश प्रदेश सभामा जसपाको १९ सांसद पुगेको छ्।
सोही कार्यक्रममा लोकतान्त्रिक समाजवादी पार्टीका अनुपलाल साह, पूर्व कृषि सचिव शंकरलाल चौधरी लगायत विभिन्न पार्टी परित्याग गरी सयौं नेता तथा कार्यकर्ता जनता समााजवादी पार्टी (जसपा) मा प्रवेश गरेका छन् ।