आज्ञा खबर
सप्तरी
सप्तरीको हनुमाननगर कंकालिनी नगरपालिका ८ स्थित बैष्णोदेवी मन्दिर नजिक २२५ नं.कोशी बांधबाट प्रहरीले हतियार र बन्यजन्तुको मासुसहित एकजनालाई पक्राउ गरेको छ । पक्राउ पर्नेमा राजबिराज नगरपालिका ५ का ४६ वर्षीय शैलेस कुमार झा रहेका छन ।
प्रहरीले उनको साथवाट मेगनम (राईफल) १ थान र त्यसमा प्रयोग हुने गोली ४१ थन, म्याग्जिन २ थान, गन स्टेन –१ थन क्यामेरा १ थान, पावर बैंक १, मोवाईल १, लाईट –१ र दुई वटा बोरामा काटिएको अबस्थाको बन्यजन्तु मृगको जस्तो देखिने मासु ३५ किलो बरामद गरिएको सप्तरीका प्रहरी प्रवक्ता डिएसपी ढुण्डीराज न्यौपानेले जानकारी दिए ।
उनलाई थप अनुसन्धानको लागि जिल्ला डिभिजन बन कार्यालय राजविराज सप्तरीमा पठाइएको जिल्ला प्रहरी कार्यालय सप्तरीले जनाएको छ ।
