आज्ञा खबर
सर्लाही
सर्लाहीको सदरमुकाम मलंगवा नगरपालिका–३ नगरपालिका चोकबाट १ हजार रुपैयाँ दरको २ वटा नक्कली नोटसहित श्रीमान–श्रीमतीलाई मंगलबार राति प्रहरीले पक्राउ गरेको छ् ।
पक्राउ पर्नेमा सोही नगरपालिका–९ बस्ने नसारु खान र उनकै श्रीमती ३२ वर्षीया नसारा खातुन रहेका छन् । उनीहरूले नक्कली नोट लिएर अण्डा किन्ने क्रममा वादविवाद भएपछी प्रहरीलाई स्थानियले खबर गरेका थिए । खबर प्राप्त हुनासाथ जिल्ला प्रहरी कार्यालय सर्लाहीबाट खटिएको प्रहरीले उनीहरूलाई उक्त नोटसहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको जनाएको छ ।