निकिता खनाल
बर्दिवास
महोत्तरीको बर्दिवास नगरपालिका बिजलपुरा स्थित चल्कीमा जारी दोश्रो मेयर खुल्ला पुरुष नकआउट भालिबल प्रतियोगिताको शुक्रवार भएको फाईनल खेलको पहिलो चरणमा २३–२५ सेटले झापा युथ क्लब अग्र स्थानमा देखियो । त्यसैगरी दोश्रो चरणको खेलमा समेत झापा युथ क्लबले २६–२८ सेटमा दोश्रो अग्रता देखायो । आजको फाईनल खेलको तेश्रो चरणमा घरेलु बिजलपुरा युथक्लब २५–२६ सेटमा दोश्रो भएको थियो भने चौथो चरणको खेलमा घरेलु बिजलपुरा युवाक्लबले २५–२६ सेट ल्याएको थियो खेलको अन्तिम चरणमा झापा युवा क्लबले ११–१५ को सेटले प्रथम भई बिजय हासिल गर्याे ।
बर्दिवास नगरपालिकाको बिजलपुरा स्थित चल्की खेल मैदानमा जारी भलिबल खेलमा २१ समुहको सहभागिता रहेको थियो । प्रतियोगिताको विजेता समुह झापा युथ क्लबले एक लाख एक हजार रुपियाँ र उपविजेता घरेलु बिजलपुरा युथ क्लबलाई ५१ हजार रुपियाँ पुरस्कार प्रदान गरीएको बर्दिवास नगर खेलकुद बिकास समितीका अध्यक्ष दिपेन्द्र शिबभक्तीले जानकारी दिए ।
भलिबल खेलमा उत्कृष्ट स्पाइकर बिजलपुरा युथ क्लबका दुर्गाबहादुर बेस्ट ब्लकर झापा युथ क्लबका पुस्कर तामाङ्ग बेस्ट सेटर झापा युथ क्लबका राजन लुङ्गेली बेस्ट सर्वर घरेलु बिजलपुरा युथ क्लबका नबिन महतो बेस्ट लिब्रो झापा युथ क्लबका गण्ोश कटेललाई जनही दुई हजार रुपियाको दरले प्रदान गरीएको छ भने सो भलिबल खेलमा बेस्ट प्लेयर प्रदिप कटेललाई रु ३ हजार प्रदान गरीएको खेल सहकार्यका अध्यक्ष रबि दहालको भनाई छ।
