निकिता खनाल
बर्दिवास
महोत्तरीको बर्दिवास स्थित चल्कीमा जारी दोश्रो मेयर खुल्ला पुरुष नकआउट भालिबल प्रतियोगिताको आजको खेलमा आठ समुहले जित हासिल गरेको छ । खेलमा क्रमश ः गण्डकी प्रदेशको नवलपुर, के. भि. सी . क्लब धनुषा, गण्डकी प्रदेशको नवलपुर, सर्लाहीको सिर्सिया, उदयपुर, सर्लाहीको बसनिया, बिजलपुरा युवा क्लबले , २ – ०÷२ –० सेटले जित हासिल गरेको छ ।
त्यसैगरी सस्त्र प्रहरी बल छिन्नमस्ता बाहिनी बर्दिवासले २–१ सेटले जित हासिल गरेको हो ।

आज भएको खेलमा महोत्तरीको औरही नगरपालिकाको टिमकिया संग गण्डकी प्रदेशको नबलपुर,आयोजक चल्की संग के.भि. सि धनुषा ,महोत्तरीको औरही नगरपालिका मेघरौल संग गण्डकीको नबलपुर, महोत्तरीको भंगहा नगरपालिका गोरहन्ना संग सर्लाहीको सिर्सीया ,सिन्धुली संग उदयपुर, महोत्तरीको बर्दिवास नगरपालिकाको जनता मा. बि. संग सर्लाहीको बसहनिया , महोत्तरीको बर्दिवास नगरपालिका बिजलपुरा संग सर्लाहीको सिर्सिया , सस्त्र प्रहरी बल छिन्नमस्ता बाहिनी संग उदयपुर बिच कड प्रतिस्पर्धा भएको थियो ।

बर्दिवास नगरपालिकाको बिजलपुरा स्थित चल्की खेल मैदानमा जारी भलिबल खेलमा २१ समुहको सहभागिता रहेको छ । प्रतियोगिताको विजेता समुहले एक लाख एक हजार रुपियाँ र उपविजेतालाई ५१ हजार रुपियाँ पुरस्कार दिने ब्यवस्था मिलाईएको बर्दिवास नगर खेलकुद बिकास समितीका अध्यक्ष दिपेन्द्र शिबभक्तीले जानकारी दिए ।

भलिबल खेलमा उत्कृष्ट स्पाइकर ब्लकर, सेटर र सर्वरलाईसमेत जनही तीन हजार रुपियाँ प्रदान गरिने सो भलिबल सहकार्यका अध्यक्ष रबि दहालको भनाई छ।