आज्ञा खबर
धनुषा
बिजलपुरा जयनगर रेलमा मंगलवार बिहान एक यात्रुको मृत्यु भएको छ । लोहारपट्टी स्टेशनामा रेल चढेका महोत्तरीको लोहरपट्टी नगरपालिका ४ खुट्टा पिपराढीको अन्दाजी ५० वर्षीय रामएकवाल पण्डितको मृत्यु भएको जिल्ला प्रहरी कार्यालय धनुषाले जनाएको छ ।
रेलभित्र टिटीले टिकट चेक गर्ने क्रममा अचानक बोगीमै सिटबाट लडेर उनको मृत्यु भएको हो ।
मृतक पण्डितको शव पोस्टमार्टमका लागि प्रादेशिक अस्पताल जनकपुरमा राखिएको र घटना विषयमा थप अनुसन्धान भईरहेको जिल्ला प्रहरी कार्यालय धनुषाका प्रहरी प्रवक्ता डिएसपी रञ्जन अवाकाले जानकारी दिए ।
