आज्ञा खबर
धनुषा
धनुषाको क्षिरेश्वरनाथ नगरपालिका ३ पकडिया स्थित गहुँ खेतमा महोत्तरीको लोहारपट्टी नगरपालिका ३ महदैया निवासी राधे सहनी मृत र उनकी श्रीमती अस्मिता सहनी गम्भीर घाइते अवस्थामा फेला परेकी छिन ।
हाल अस्मिताको प्रादेशिक अस्पताल जनकपुरमा उपचार भईइरहेको इलाका प्रहरी कार्यालय सखुवा महेन्द्रनगरका प्रहरी निरीक्षक दिपक कार्कीले जानकारी दिए ।
आज बिहान पकडिया स्थित गहुँ खेतमा श्रीमान् राधे मृत फेला परेका हुन् । उनिहरुको छेउम मोटरसाइकल पनि क्षतिग्रस्त अवस्थामा दुर्घटना भएको देखिएकाले दुर्घटनामै श्रीमनको मृत्यु र श्रीमती घाइते भएको प्रहरीको अनुमान छ ।
राधेको ससुराली घर पकडिया हो । चार महिना अघि मात्र राधे र अस्मिताले प्रेम विवाह गरी महेन्द्रनगरमा डेरा गरी बस्दै आएका थिए । केही साथीसंगै ससुराली घर पकडियाबाट महेन्द्रनगर डेरामा रमाइलो गर्नुपर्छ भनेर श्रीमतीसहित राति राधे निस्केका थिए । तर दुर्घटना भएपछि श्रीमतीलाई माइत पुर्याईएको र श्रीमानलाई छाडेर दुईसाथी भागेको कारण मृत्यु नभएर हत्या भएको हुन सक्ने प्रहरीको अनुमान छ । फरार दुबै युवकको खोजी भइरहेको प्रहरी निरीक्षक कार्कीले बताए ।
