आज्ञा खबर
रौतहट
रौतहट प्रहरीले भारततर्फ लैजाँदै गरिएका १७ वटा गाई र गोरु बरामद गरेको छ।
अवैध रूपमा भारततर्फ लैजाँदै गरेको गाई र गोरु गौर नगरपालिका २ मा प्रहरी चौकी महादेवपट्टिबाट खटिएको गस्ती टोलीले बेवारिसे अवस्थामा १० वटा गाई, एउटा गोरु र ६ वटा बाछी बरामद गरेको रौतहटका प्रहरी प्रमुख एसपी महेन्द्रकुमार श्रेष्ठले बताए ।
बरामद गाई ,गोरु र बाछीको एक लाख छयानब्बे हजार मूल्याङ्कन गरिएको र आवश्यक कारबाहीका लागि गौर भन्सार कार्यालयमा बुझाईएको जिल्ला प्रहरी कार्यालय रौतहटले जनाएको छ।
