नरायण घिमिरे
बर्दिवास
होटल तथा पर्यटन व्यवसायी सङ्घ महोत्तरीले नेपाल आदिवासी जनजाती महासङ्घ जिल्ला समन्वय परिषद महोत्तरीका नव निर्वाचित अध्यक्ष धननारायण श्रेष्ठ र नेपाल हृदयरोग निवारण प्रतिष्ठान जिल्ला शाखा महोत्तरीका नव निर्वाचित अध्यक्ष दीपक कार्कीलाई बधाई तथा सफल कार्याकालको शुभकामना सहित सम्मान पत्र प्रदान गरेको छ।
आईतवार बर्दिवास स्थित होटल गुञ्जमा एक कार्यक्रमको आयोजना गरी दुबै अध्यक्षलाई सम्मान गरिएको हो ।
नेपाल होटल तथा पर्यटन व्यवसायी महासङ्घ मधेस प्रदेशका अध्यक्ष हिरालाल गौतमको प्रमुख आतिथ्यतामा सम्पन्न भएको कार्यक्रमको अध्यक्षता होटल तथा पर्यटन व्यवसायी सङ्घ महोत्तरीका अध्यक्ष गुञ्जबहादुर कार्कीले गर्नु भएको थियो। सामाजिक क्षेत्रमा कृयाशील रहनु भएका दुबै अध्यक्ष ज्यूहरुलाई सभाध्यक्ष र प्रमुख अतिथिले खादा ओढाएर सम्मान पत्र प्रदान गर्नु भएको थियो।
होटल तथा पर्यटन व्यवसायी सङ्घ महोत्तरीका महासचिव नारायण घिमिरेले सञ्चालन गर्नुभएको कार्यक्रममा सङ्घका सदस्य हर्कबहादुर दाहालले स्वागत मन्तव्य राख्नु भएको थियो भने संस्थापक अध्यक्ष दीपेन्द्र पराजुली र बर्दिवास उद्योग वाणिज्य सङ्घ बर्दिवासका महासचिव उत्तम श्रेष्ठले शुभकामना मन्तव्य राख्नु भएको थियो। सभालाई सम्बोधन गर्दै नव निर्वाचित अध्यक्षहरुले आफ्नो जिम्मेवारीलाई कुशलतापूर्वक निर्वाह गर्ने प्रतिबद्धता व्यक्त गर्नुभयो। कार्यक्रममा होटल तथा पर्यटन व्यवसायी सङ्घ महोत्तरीका प्रथम उपाध्यक्ष, सचिव, सह सचिव लगाएत कार्यसमितिका पदाधिकारी तथा सदस्यहरुको उपस्थिति रहेको थियो।
