आज्ञा खबर
रौतहट
रौतहटमा ट्याक्टर दुर्घटना हुँदा चालकको मृत्यु भएको छ ।
जिल्लाको गढीमाई नगरपालिका ६ धरमपुरमा बुधवार भएको दुर्घटनामा माधव नारायण नगरपालिका ३ का २२ वर्षीय रञ्जित कुमार पण्डितको उपचारको क्रममा प्रादेशिक अस्पताल गौरमा मृत्यु भएको हो ।
बागमती पुलस्थित भित्र सडक खण्डमा नदीबाट बालुवा लोड गरेर धर्मपुरतर्फ आउँदै गरेको ना।२ त ८५०८ नम्बरको ट्याक्टर अनियन्त्रित भई दुर्घटना भएको जिल्ला प्रहरी कार्यालय रौतहटका प्रवक्ता एवं डिएसपी एलिजा गिरीले जानकारी दिइन् ।
मृतकको शव पोस्टमार्टमका लागि प्रादेशिक अस्पताल गौरमा राखिएको तथा घटनाको विषयमा थप अनुसन्धान भइरहेको जिल्ला प्रहरी कार्यालय रौतहटले जनाएको छ ।
