आज्ञा खबर
बर्दिवास
महोत्तरीको गौशाला नगरपालिकाको गौशालामा सोमबार र विहिबार लाग्ने हाट बजारमा आज एक भैंसी व्यापारीको अचानक मृत्यु भएको छ ।
बजारमा भैंसीको खरीद विक्रि गर्ने गौशाला नगरपालिका वडा नं. ४ बस्ने वर्ष ६५ को महेन्द्र महतोको मृत्यु भएको ईलाका प्रहरी कार्यालय गौशालाले जनाएको छ ।
महतो प्रत्येक बजार झै आजको बजारमा पनी भैंसीको मूल्यको दरभाउ गर्दागर्दै एक्कासी बेहोस भएका थिए। बेहोस भएर ढलेपछी अचानक उनको मृत्यु भएको बजारका व्यापारीहरुको भनाई रहेको छ ।
महतो सोमबार र विहिबार बजारमा भैंसी खरीदविक्रि गरी दिनचर्या चलाईरहेको उनका आफन्तहरुले बताएका छन ।
घटनाको विषयमा थप अनुसन्धान भइरहेको प्रहरीले जनाएको छ ।
