आज्ञा खबर
रौतहट
रौतहटमा अटो र मोटरसाइकल एकआपसमा ठोक्किँदा एक महिलाको ज्यान गएको छ।
ज्यान जानेमा अटोमा सवार चन्द्रपुर नगरपालिका–४ मुस्लिम टोल बस्ने ३५ बर्षिय शैरुन खातुन रहेकी छिन्।
बुधबार राति १० बजे चन्द्रपुर नगरपालिका–५ पूर्व–पश्चिम राजमार्गको जगत पेट्रोल पम्पनजिकै ना २ ह २४५३ नम्बरको अटो र विपरीत दिशाबाट आउँदै गरेको ज ७ प ८२५० नम्बरको मोटरसाइकल एकआपसमा ठोक्किएर दुर्घटना भएको थियो।
दुर्घटना पश्चात खातुनलाई उपचारकालागी वीरगञ्जस्थित नेश्नल मेडिकल कलेजमा लगिएको थियो त्याहाँ उपचारको क्रममा उनको मृत्यु भएको रौतहटका प्रहरी प्रबक्ता डिएसपी दामोदर केसीले जानकारी दिए। घटनाको समबन्धमा प्रहरीले थप अनुसन्धान गरिरहेको जनाएको छ।
