आज्ञा खबर
रौतहट
रौतहटको चन्द्रनिगाहपुर स्थित गौर रोडमा रहेको दीप आर्टस् प्रिन्टिङ प्रेसमा बुधवार राती आगलागी भएको छ। आगलागीबाट प्रेस पूर्ण रूपमा जलेर नष्ट भएको इलाका प्रहरी कार्यालय चन्द्रनिहापुरका प्रमुख डीएसपी एक नारायण कोइरालाले जानकारी दिए ।
घटनामा तीन वटा प्रिन्टिङ मेसिनमा क्षति पुगेको छ। प्रेसमा भएको आगलागीबाट सोही घरमा रहेका अन्य पसल र कार्यालयमा पनि क्षति पुगेको बताईएको छ। आगलागीबाट झन्डै १ करोड रुपैयाँ बराबरको क्षति भएको छ।
आगो निभाउन नेपाल प्रहरी, सशस्त्र प्रहरी, नेपाली सेना, स्थानीय मिलेर चन्द्रपुर, निजगढ र हरिवनबाट आएको तीन वटा दमकलको प्रयोग गरीएको थियो सो को सहायताले करिब ३ घण्टापछि आगलागी नियन्त्रणमा लिइएको जिल्ला प्रहरी प्रवक्ता प्रहरी नायब उपरीक्षक दामोदर केसीले जानकारी दिए। आगलागीको कारण भने खुल्न नसकेको तथा घटनाको अनुसन्धान भइरहेको जिल्ला प्रहरी कार्यालयले जनाएको छ।
