आज्ञा खबर
बारा
बाराको जीतपुरसिमरा उपमहानगरपालिका–६ को घुसकपुर स्थित काँसघारीको झाडीमा बिहीबार एक महिलाको शव फेला परेको छ ।
नाम, थर, बतन खुल्न नसकेको अन्दाजी २५÷२६ वर्षकी ती महिलाको शरीरमा घाउ चोट लागेको इलाका प्रहरी कार्यालय सिमराले जनाएको छ ।

‘महिलाको शवको प्रकृती हेर्दा मारेर फालेको जस्तो देखिन्छ तर ती महिला को हुन् भन्ने पहिचान खुल्न नसक्दा हामीलाई अनुसन्धानमा समस्या भएको ईलाका प्रहरी कार्यालय सिमराका प्रमुख प्रदीप बहादुर क्षेत्रीले बताए।
महिलाको स्थानीयले खेतमा शव देखेपछि प्रहरीलाई खबर गरेका थिए । शव फेला परेको स्थानमा प्रहरीले तालिम प्राप्त कुकुर खटाएर अनुसन्धान गरिरहेको जनाएको छ ।