आज्ञा खबर
रौतहट
रौतहट प्रहरीले गौर नगरपालिका वडा नं–७ स्थित भन्सार छली गरेर भारतबाट ल्याएको १ सय ३९ बोरा गहुँको बिउसहित एक पिकअप गाडी र चालकलाई नियन्त्रमाणमा लिएको छ।
प्रहरीले बिशेस सूचनाको आधारमा जिल्ला प्रहरी कार्यालय गौरबाट खटिएको प्रहरी टोलिले शुक्रबार करिब साढे १० बजेतिर गौर नगरपालिका वडा नं–७ स्थित भारत तर्फबाट आउँदै गरेका प्रदेश २–०३–००१ च.२१३८ नम्बरको पिकअप गाडी रोकी चेकजाँच गर्ने क्रममा उक्त बिउ फेला परेको जिल्ला प्रहरी कार्यालय रौतहटले जनाएको छ।
पिकअप चालक गौर नगरपालिका वडा नं–७ बस्ने वर्ष ४४ को वीरेन्द्र राय यादव रहेको प्रहरीले जनाए। फेला परेको गहुँको बिउ १ सय ३९ बोरा रहेको र १ बोरामा २० किलोको दरले जम्मा २,७८० किलो बिउ र पिकअप गाडीसहित चौबिस लाख सत्तर हजार बराबरको मूल्याङ्कन गरी आवश्यक कारबाहीको लागि गौर भन्सार कार्यालय रौतहटमा बुझाइएको रौतहटका प्रहरी प्रमुख एसपी महेन्द्र कुमार श्रेष्ठले जानकरी पदए।
