आज्ञा खबर
रौतहट:रौतहटको गुजरा नगरपालिकामा करेन्ट लागेर एक जना युवकको ज्यान गएको छ । विद्युत मोटरबाट आफ्नै खेतमा पानी लगाउने क्रममा गुजरा-४ का २५ वर्षीय मेघनाथ चौधरीको करेन्ट लागेर ज्यान गएको हो
स्थानीय प्रत्यक्षदर्शीका अनुसार मदिरा सेवन गरी मोटरबाट पानी पटाउने क्रममा मंगलबार साँझ करेन्ट लागेर अचेत भएका चौधरिलाई उपचारका लागि कनकपुर अस्पतालमा लैजाँदा डाक्टरले मृत घोषणा गरेका थिए ।
लगत्तै उनका आफन्तहरूले चौधरीको अन्त्येष्टि गर्न खोज्दा प्रहरी चौकी हरिनगर पोखरभिडाको टोलीले शवलाई पोस्टमार्टमको लागि प्राथमिक स्वास्थ्य केन्द्र चन्द्रनिगाहपुर पठाएको जिल्ला प्रहरी कार्यालय रौतहटले जनाएको छ।