आज्ञा सम्वाददाता
बारा
पाँच वर्षीया बालिकालाई जबरजस्ती करणी गरेको आरोपमा एक किशोरलाई बुधबार राति बारा प्रहरीले पक्राउ गरेको छ ।पक्राउ पर्नेमा बाराको जितपुरसिमरा उपमहानगरपालिका वडा नम्बर २२ चकरीका १८ वर्षीय एक किशोर रहेको प्रहरीले जनाएको छ।
बालिकाको घरमा कोही नभएको मौका छोपि ललाई फकाई किशोरले जंगलमा लगेर जबरजस्ती करणी गरेको पिडितको आरोप छ ।
करणी भएको खबर प्राप्त भएपछि इलाका प्रहरी कार्यालय अमलेखगन्जबाट खटिएको टोलीले उनलाई पक्राउ गरेको हो । घटनाको सम्बन्धमा थप अनुसन्धान भइरहेको प्रहरीले जनाएको छ ।
