धनुषामा एमाले कार्यकर्ताद्धारा राप्रपा उम्मेदवार र उनको परिवारमाथि कुटपिट

[sharethis-inline-buttons]

आज्ञा सम्वाददाता
धनुषा
राप्रपा प्रवक्ता मोहन श्रेष्ठले आज (सोमबार) विज्ञप्ति जारी गर्दै राप्रपा वडा सदस्यका उम्मेदवार र उनको घरपरिवारलाई एमालेका कार्यकर्ताले उम्मेदवारी फिर्ता लिन दबाब दिएको र फिर्ता लिन नमानेपछि उम्मेदवारसहित परिवारमाथि नै आक्रमण गरेको जनाएका छन । सबेला नगरपालिका–४ का राप्रपा वडा सदस्यका उम्मेदवार समशुल राइन मियाँ र उनको घरपरिवारमाथि एमालेका कार्यकर्ताले कुटपिट गरेका हुन् ।

मियाँको परिवारका सात जना सदस्यमाथि एमालेले आक्रमण गरेको राप्रपाले दाबी गरेको छ। यस घटनामा संलग्नलाई पक्राउ गर्न, दोषीलाई कडा कारबाही गर्न र घाइतेको उपचारको प्रबन्ध गर्न राप्रपा जोडदार माग गर्दछ, प्रवक्ता श्रेष्ठले निकालेको विज्ञप्तिमा उल्लेख छ ।